- 23 -

1294. Juni. 12.

In nomine domini amen. Quoniam ea que aguntur in tempore ab humana facilius memoria laberentur, si scripti testimonio non forent roborata: Notum sit igitur universis tam presentibus quam futuris hanc paginam inspecturis, quod Nos Kazimirus dei gracia Dux Bythomiensis Dum in Ghuizc que dicitur villa advocatj commutassemus parvos mansos in magnos, hanc ordinacionem fecimus perpetuam cum domino Bartholomeo abbate et toto conventu fratrum sacre religionis de Ruda, quod in predicta villa de quolibet magno manso, fertonem argenti et vj. mensuras triplicis granj videlicet triticj, siliginis et avene singulis annis dominus abbas et successores sui conventusque de Ruda recipient ordinacione perpetuo duratura. Ceterum ob remissionem nostrorum delictorum predictis fratribus et domuj de Ruda dedimus in Stanizca et in Sauada eorum hereditatibus continuam libertatem ab omnibus exactionibus et municionum structuris seu ceteris solucionibus, quecumque quoquomodo possent exorirj, non ad nostros set ipsorum usus pertinebunt, gaudentes perpetua libertate. Insuper in Sirdnizca permisimus agriculturam quam villanj nobis arare deberent iuxta consuetudinem aliorum villanorum, ipsis fratribus antedictis agros colere tenebuntur in hijs ad nos respectum non habentes. Ut autem hec et predicta robur optinerent perpetue firmitatis, presentes conscribi fecimus nostrj sigilli munimine roborantes. Datum aput Zlauecizc anno domini M°.CC°.xc°.iiij°, in vigilia Sancte Trinitatis, presente Iohanne Castellano Bythomiense, Comite Blasio, Domino Boguslao plebano Sancte Marie de Bythom, per manum Dominicj nostrorum doctoris puerorum.

Vom Siegel ist nur der Pergamentstreifen ubrig.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.